Մեր օրգանիզմի աշխատանքը տարիների ընթացքում վատթարանում է հիվանդությունների, հոգնածության, վնասակար սովորությունների, սթրեսսի և այլ համակարգերի խափանման հետևանքով: Մեր առողջությունը, այդ թվում նաև գեղեցկությունը, ուղղակիորեն կապված են ավշային համակարգի գործունեության հետ, որը հանդիսանում է մեր իմունիտետի ամրապնդման գլխավոր պայմաններից մեկը:
Տարիքի հետ մարդկանց մոտ նկատվում է արյունատար և ավշային անոթների լարվածության իջեցում, որոնք պատասխանատու են օրգանիզմից վնասակար նյութերի դուրս բերման համար:
Դրա հետևանքով տեղի է ունենում ավշի լճացում միջբջջային տարածություններում, որը առաջ է բերում բացասական էֆեկտներ՝ այտուցներ, ալերգիաներ, բորբոքումներ, հորմոնալ և արտերիալ բնույթի խափանումներ: Ընդհանուր առմամբ այսպիսի պրոբլեմներն ի հայտ են գալիս ոչ ճիշտ կենսակերպ վարելու հետևանքով:
ԼԻՄՖՈԴՐԵՆԱԺ
Լիմֆոդրենաժն իրենից ներկայացնում է մեխանիկական ազդեցություն հյուսվածքների վրա՝ օրգանիզմից ավելորդ հեղուկի դուրս բերման նպատակով: Գոյություն ունեն լիմֆոդրենաժի տարբեր ձևեր՝ օժտված իրենց բնորոշ առանձնահատկություններով և հակացուցումներով.
Մանուալ լիմֆոդրենաժ.
Այս պրոցեդուրան իրականացվում է ձեռքերի օգնությամբ և իրենից ներկայացնում է մերսման հատուկ ձև, որն ազդում է օրգանիզմի ավշային անոթների վրա, նպաստելով ավելորդ հեղուկի դուրս բերմանը և բարձրացնելով անոթների տոնուսը: Այն էֆեկտիվորեն կարող է համատեղել ապարատային լիմֆոդրենաժի հետ: Այս մեթոդը կարող է հանդիսանալ որպես այլ կոսմետիկ պրոցեդուրաների շարունակություն՝ լինելով օրգանիզմի առողջացման և առանց վիրահատական միջոցների կիրառման կորեկցիայի գրավականներից մեկը: Լիմֆոստազի ծանր ձևերով տառապող հիվանդների համար այս մեթոդը հանդիսանում է բուժման անպայման ձևերից մեկը: Այն նաև բավականաչափ էֆեկտիվ եղանակ է մարմնի առանձին մասերի (դեմք, ձեռքեր) այտուցվածության դեմ պայքարի գործընթացում:
Մակերևույթային լիմֆոդրենաժ. Իրականացվում է մաշկին մոտ տեղակայված ավշային անոթների վրա թերապևտիկ ազդեցությամբ: Այս ձևն ուղղված է ռեցեպտորների աշխատանքի խթանմանը, որոնք ազդում են հարթ մկանների կծկման վրա:
Խորը լիմֆոդրենաժ. Ուղղված է մաշկի ավելի խորը շերտերում տեղակայված ավշային անոթների աշխատանքի վերականգնմանը:
Ներքին լիմֆոդրենաժ, որն ազդում է տեղային ավշային հանգույցների վրա՝ տեղակայված ծնկի, ազդրի և աճուկի շրջանում:
Ապարատային լիմֆոդրենաժ. Բաղկացած է որոշակի ֆիզիոթերապևտիկ պրոցեդուրաներից իմպուլսային հոսանքի, մեկրոհոսանքի, ուլտրաձայնի, ջերմաստիճանի և ճնշման տատանումների օգտագործմամբ: Ապարատային լիմֆոդրենաժն իր հերթին լինում է.
Միկրոհոսանքային թերապիա, որն ուղղված է նյարդային և մկանային թելիկների գրգռմանը, ազդելով ցածր հաճախականությամբ հոսանքով:Միոստիմուլյացիա, որն իրականացվում է ավշային հանգույցների կենտրոնացմամբ մարմնի որոշակի շրջանների վրա էլեկտրոդների ազդմամբ:
- Վակումային լիմֆոդրենաժ, որն իրենից ներկայացնում է մերսման հատուկ ձև դրենաժային խողովակների օգտագործմամբ:
Պրեսսոթերապիա. Իրականացվում է մարմնի տարբեր մասերի վրա տարբեր ուժի ճնշման կիրառմամբ հատուկ սարքավորումների միջոցով:
Էնդերմոլոգիա. Իրենից ներկայացնում է պրեսսոթերապիայի մի ձև, որը հիմնված է վակուումա-անվային հատուկ սարքավորման ազդեցության վրա:
Բացի այդ, լիմֆոդրենաժը ըստ մարմնի որոշակի հատվածների վրա ազդման, լինում է մի քանի տեսակի:
ՈՏՔԵՐԻ ԼԻՄՖՈԴՐԵՆԱԺ
Ոտքերի լիմֆոդրենաժը չափազանց կարևոր պրոցես է, քանի որ հենց ոտքերն են ամենաշատը ենթարկվում ֆիզիկական ծանրաբեռնվածության: Որպեսզի ավիշը հեռացվի միջբջջային հեղուկից ոտքերի շրջանում իրականացվում են ապարատային ֆիզիոթերապիայի որոշակի պրոցեդուրաներ: Ավշային համակարգի վրա պետք է ազդել սեղմված օդով հատուկ կտորե սարքավորման միջոցով, որը հագցնում են հիվանդի ոտքի վրա ամբողջ երկայնքով: Օդի սեղման հետ մեկտեղ մաշկը հագենում է թթվածնով՝ներբջջային ճարպերի ճեղքման հետևանքով: Այլ խոսքերով, ազդելով հյուսվածքի վրա մեխանիկական ուժով կարելի է դուրս բերել նրանում կուտակված ավելորդ հեղուկը: Քանի որ խոշոր ավշային հանգույցները գտնվում են հենց ոտքերում և հանդիսանում են տոքսինների, վիրուսների և այլ վնասակար նյութերի հավաքման գլխավոր աղբյուրներից, ապա ոտքերի լիմֆոդրենաժը համարվում է առողջության վերականգնման կարևորագույն պայմաններից:
ՄԱՐՄՆԻ ԼԻՄՖՈԴՐԵՆԱԺ
Մարմնի լիմֆոդրենաժը կարելի է անցկացնել ապարատային կամ մանուալ եղանակով: Ապարատային լիմֆոդրենաժը իրականացվում է հատուկ առաձգական համազգեստի օգնությամբ՝ ազդելով մարմնի պրոբլեմատիկ մասերի վրա (ազդրեր, որովայն, ձեռքեր, ոտքեր): Սեղմված օդի աղդեցության տակ տեղի ունենում անոթների լայնացում, նրանց հարստացում արյամբ, մաշկում նյութափոխանակային պրոցեսների ակտիվացում, որն էլ նպաստում է վնասակար նյութերի դուրս բերմանը: Հենց առաջին պրոցեդուրայից հետո զգացվում է դրական էֆեկտ, իսկ 4-5 պրոցեդուրաներից հետո զգալիորեն լավանում է օրգանիզմի ընդհանուր առողջական վիճակը, անհետանում են այտուցները, փոքրանում է մարմնի քաշը: Մարմնի լիմֆոդրենաժը նշանակվում է հետևյալ պրոբլեմների դեպքում.
- Անոթների վարիկոզային լայնացում ռեմիսսիայի փուլում
- Լիմֆոդրենաժային ցիրկուլյացիայի խախտում
- Գիրացում, ցելյուլիտ
- Հետինսուլտային վիճակ, գլխուղեղի արյունատար շրջանառության խախտում
- Հոգնածություն ֆիզիկական ծանրաբեռնվածության հետևանքով:
ԿՈՊԵՐԻ ԼԻՄՖՈԴՐԵՆԱԺ
Կոպերի լիմֆոդրենաժը սովորաբար կիրառվում է կոսմետիկ նպատակով: Պրոցեդուրան իրենից ներկայացնում է կոպերի մերսման հատուկ ձև մատերի օգնությամբ: Վերջում իրականացվում է դեմքի մերսում մաշկի ձգման ուղղությամբ, լիմֆատիկ անոթներով հեղուկի հոսքի խթանման նպատակով: Պրոցեդուրան սովորաբար տևում է 5-7 ր, շաբաթական 2 անգամ հաճախականությամբ:
Լիմֆոդենաժի ցուցումները
- Մաշկի առաձգականության կորուստ
- Ցելյուլիտ, գիրացում
- Կորյակներ
- Մաշկի վրա մակերեսային սպիեր
- Խրոնիկ անոթային անբավարարություն
- Անոթների վարիկոզային լայնացում սկզբնական փուլում
- Շաքարախտից հետո առաջացած բարդացումներ
- Այտուցներ և բորբոքային պրոցեսներ մաշկի վրա:
Լիմֆոդրենաժի հակացուցումները
Քանի որ լիմֆոդրենաժի հետևանքով մոբիլիզացվում է ամբողջ օրգանիզմը, պետք է նախքան պրոցեդուրան սկսելը վստահ լինել որ այն պատրաստ է ենթարկվել նման գործընթացի:
- Քանի որ լիմֆոդրենաժն ուղղված է ավշային և իմունային համակարգի լավացմանը և ամրապնդմանը, ապա թույլ չի տրվում նրա իրականացումը սուր շնչառական հիվանդությունների և սրտային անբավարարության սրման ժամանակ:
- Եթե կան մաշկային հիվանդություններ, բորբոքումներ, հատկապես թարախային, խորհուրդ է տրվում հետաձգել պրոցեդուրան մինչև լրիվ ապաքինումը:
- Լիմֆոդրենաժի իրականացումը չի թույլատրվում այնպիսի ծանր հիվանդությունների դեպքում, որոնք կարող են վտանգ հանդիսանալ կյանքի համար՝ թրոմբոֆլեբիտ, քաղցկեղ, թոքախտ և այլն:
- Լիմֆոդրենաժն ունի որոշ սահմանափակություններ հղիության ժամանակ: Խորհուրդ է տրվում այն անցկացնել առաջին եռամսյակում՝ դրենաժի հատուկ տեսակների օգտագործմամբ: Լավագույն ձևերից է հանդիսանում մանուալ լիմֆոդրենաժը, ի դեպ ոչ թե ամբողջ մարմնի, այլ առանձին պրոբլեմատիկ հատվածների վրա: Եթե պրոցեդուրան որևէ կերպ կարող է բացասական ազդեցություն ունենալ մոր կամ պտղի առողջության վրա, ապա այն պետք է անհապաղ հետաձգել:
Այսպես, ընտրելով լիմֆոդրենաժը որպես օրգանիզմի մաքրման միջոց պետք է ծանոթանալ բոլոր հնարավոր հակացուցումներին: Այնուամենայնիվ, այս մեթոդը բավականաչափ էֆեկտիվ է, որի ազդեցությունը զգացվում է արդեն իսկ առաջին պրոցեդուրայից հետո, ինչը բավականին բարձրացնում է մարդու դրական տրամադրվածությունը: Չէ որ գեղեցկությունը ուղղակիորեն կապված է առողջության հետ:
