ՍՔԵՆԱՌ

Նոր սերնդի թվային ՍՔԵՆԱՌ սարքավորումները թույլ են տալիս անցկացնել օրգանների և օրգան-համակարգերի ֆունկցիոնալ դիագնոստիկա, որը բուժման ընթացքում շատ կարևոր հանգամանք է համարվում օրգանիզմի հնարավորությունների ավելի էֆեկտիվ կիրառման համար: Սա համապատասխանում է արևելյան բժշկության սկզբունքներին և մեթոդներին:
ՍՔԵՆԱՌ-թերապիան հանդիսանում է ինչպես բուժման  ինքնուրույն մեթոդ, այնպես էլ բավականին լավ համատեղում է այլ մեթոդների հետ: Թերապիան անցկացման հակացուցումներ համարյա թե չունի, իսկ ցուցումները բազմաթիվ են՝սկսած հասարակ կապտուկներից, մինչև լուրջ հիվանդություններ, ի դեպ զարգացման ցանկացած փուլում:

Թերապիայի մեթոդոլոգիական առանձնահատկություներից է հանդիսանում սարքավորման տեղաշարժումը հիվանդի մաշկային ծածկույթի վրայով և համապատասխան շրջանների ակտիվացիան, որը սովորաբար պայմանավորված է այդ հատվածում նյարդային վերջավորությունների կուտակմամբ՝պրոյեկցիոն, ռեֆլեկտոր-սեգմենտային շրջաններ, Չժեն-Ցզյու թերապիայի էներգետիկ ուղիների շրջաններ, հատուկ ՍՔԵՆԱՌ-շրջաններ:

ՍՔԵՆԱՌ-թերապիայի ազդման հիմնական սկզբունքները

• Սարքավորումն ուղարկում է հզոր բարձրաամպլիտուդային էլեկտրական ազդակ, որը իր հատկանիշներով մոտ է բիոգեն ազդակներին (նեյրոիմպուլս), սակայն առանց վնասակար ազդեցության՝շնորհիվ իր կարճատևության: Այդ ժամանակ գրգռվում է նյարդաթելերի մեծ մասը (այդ թվում նաև С-նյարդաթելերը): Սա բերում է նեյրոմեդիատորների կամ այլ կերպ ասած կարգավորիչ պեպտիդների արտազատման (էնդորֆիններ, վազոպրեսին, անգիոտենզին, բրադիկինին և այլն), որոնք այլ հումորալ ֆակտորների հետ միասին խթանում են օրգանիզմի ինքնակարգավորումը:
• Կենսաբանական փոխադարձ կապի առկայությունը: Յուրաքանչյուր հաջորդող ազդակ տարբերվում է նախորդից՝կախված էլեկտրոմաշկային դիմադրողականության փոփոխությունից( նոր սերնդի սարքավորումները գրանցում են այդպիսի փոփոխությունների 4 տարբեր վիճակներ): Սա բերում է կախվածության զգալի իջեցման և ապահովում է հիվանդի վրա անհատական-օպտիմալ ազդեցությունը:
• Ակկոմոդացիայի հավանական էֆեկտի չեզոքացումը (ազդակի ձևի առանձնահատկություն):

ՍՔԵՆԱՌ-թերապիայում ֆունկցիաների վերականգնումը որպես կանոն իրականացվում է ընդառաջ անատոմիամորֆոլոգիական և հետազոտակլինիկական ցուցանիշների դինամիկայի: ՍՔԵՆԱՌ-մասնագետի համար հենց ֆունկցիաների նորմալացումն է հանդիսանում որպես բուժման էֆեկտիվության հիմնական ցուցանիշ: Ժամանակակից ՍՔԵՆԱՌ-սարքավորումները թույլ են տալիս ճշգրիտ գնահատել օրգանների և համակարգերի ֆունկցիոնալ վիճակը, ինչը բուժման ընթացքում օգնում է արագ կոմպենսացնել խախտված ֆունկցիաները: